"Inter"ning chap qanot himoyachisi Federiko Dimarko "Atletiko"ga qarshi javob o‘yini oldidan jurnalistlar savollariga javob berdi.
Milanda bo‘lib o‘tgan ilk uchrashuvda Simone Indzagi shogirdlari minimal hisobda g‘alaba qozonishgandi. O‘shanda yagona gol 79-daqiqada Marko Arnautovich tomonidan kiritilgan.
“Bizning ustunligimiz minimal, shuning uchun biz xotirjamlikdan qochishimiz kerak. Biz odatdagidek, hisob 0:0 bo‘lgandek, futbolimizdan chetga chiqmasligimiz kerak.
“Atletiko” stadionidagi muhit qanday ekanini bilamiz – buni hattoki o‘yinni televizorda ko‘rsangiz ham his qilasiz", - dedi Dimarko.
