"Real Madrid" yozda o‘z tarkibini kuchaytirish imkoniyatlarini o‘rganmoqda. Ispaniya La ligasi grandi “Tottenxem” himoyachisi Kristian Romeroni nishonga oldi.
Marca gazetasining yozishicha, argentinalik futbolchining bozor qiymati 48 million yevroga baholangan.
Shu bilan birga, “shporlar” rahbari – muzokaralarda qattiqqo‘lligi bilan tanilgan Deniel Levi ulardan ko‘proq narsani talab qilishi mumkin.
2022 yil oxirida Kristian Romero Argentina terma jamoasi tarkibida jahon chempioniga aylandi.
25 yoshli himoyachining "Tottenxem" bilan amaldagi shartnomasi 2027 yilning o‘rtalariga qadar tuzilgan.
Romero "Atalanta"dan ko‘chib o‘tgandan keyin 2021 yilning yozidan beri London klubida o‘ynamoqda.
