"Реал Мадрид" ёзда ўз таркибини кучайтириш имкониятларини ўрганмоқда. Испания Ла лигаси гранди “Тоттенхэм” ҳимоячиси Кристиан Ромерони нишонга олди.
Marca газетасининг ёзишича, аргентиналик футболчининг бозор қиймати 48 миллион еврога баҳоланган.
Шу билан бирга, “шпорлар” раҳбари – музокараларда қаттиққўллиги билан танилган Дениэль Леви улардан кўпроқ нарсани талаб қилиши мумкин.
2022 йил охирида Кристиан Ромеро Аргентина терма жамоаси таркибида жаҳон чемпионига айланди.
25 ёшли ҳимоячининг "Тоттенхэм" билан амалдаги шартномаси 2027 йилнинг ўрталарига қадар тузилган.
Ромеро "Аталанта"дан кўчиб ўтгандан кейин 2021 йилнинг ёзидан бери Лондон клубида ўйнамоқда.
