“Bayer” Yevropa ligasi 1/8 finali javob o‘yinida “Qorabog‘”ni mag‘lub etdi – 3:2. Uchrashuv Leverkuzendagi "BayArena"da bo‘lib o‘tdi.

Birinchi bo‘limda gol urilmadi. Ikkinchi bo‘lim boshida Abdulloh Zubir mehmonlarni hisobda oldinga olib chiqdi. 62-daqiqada Alvin Jafarguliyev qizil kartochka olib, Ozarbayjon jamoasi ozchilikda qoldi. Ammo “Qorabog‘” ozchilikda o‘z ustunligini ikkitaga oshira oldi – Juninyo gol urdi. Maydondan chetlatishdan 10 daqiqa o‘tgach, Jeremi Frimpong goli evaziga hisobni bittaga qisqartira oldi. Qo‘shib berilgan vaqtda Patrik Shik avvaliga hisobni tenglashtirdi, keyin esa g‘alaba golini kiritdi.

Dastlabki uchrashuvda 2:2 hisobi qayd etilgani bois, Germaniya jamoasi chorak finalga yo‘l oldi. Qur’a tashlash marosimi 15 mart, juma kuni bo‘lib o‘tadi.

Bayer Germaniya – Qorabog‘ Ozarbayjon 3:2 (0:0, 3:2)
15 mart, 01.00, «BayArena»
Gollar: 0:1 – 58 Zubir, 0:2 – 67 Juninyo, 1:2 – 72 Frimpong, 2:2 – 90 Shik, 3:2 – 90 Shik.
Bayer – Kovarj, Frimpong, Tapsoba, Kossunu (Stanishich, 79), Andrix, Inkapie (Grimaldo, 60), Djaka, Xofmann (Palasios, 28), Virts, Adli, Iglesias (Shik, 59).
Qorabog‘ – Lunev, Veshovich (Medina, 87), Guseynov, Mustafazade, Jafarguliyev, Benziya (Bayramov, 66), Zubir (Patrik, 86), Yankovich, Andrade (Mateus, 78), Romao, Juninyo (Axundzade, 78).
Ogohlantirishlar: Shik (70), Juninyo (78), Lunev (90).
Chetlatish: Jafarguliyev (63).
Birinchi o‘yin: 2:2