“Байер” Европа лигаси 1/8 финали жавоб ўйинида “Қорабоғ”ни мағлуб этди – 3:2. Учрашув Леверкузендаги "БайАрена"да бўлиб ўтди.

Биринчи бўлимда гол урилмади. Иккинчи бўлим бошида Абдуллоҳ Зубир меҳмонларни ҳисобда олдинга олиб чиқди. 62-дақиқада Алвин Жафаргулиев қизил карточка олиб, Озарбайжон жамоаси озчиликда қолди. Аммо “Қорабоғ” озчиликда ўз устунлигини иккитага ошира олди – Жуниньо гол урди. Майдондан четлатишдан 10 дақиқа ўтгач, Жереми Фримпонг голи эвазига ҳисобни биттага қисқартира олди. Қўшиб берилган вақтда Патрик Шик аввалига ҳисобни тенглаштирди, кейин эса ғалаба голини киритди.

Дастлабки учрашувда 2:2 ҳисоби қайд этилгани боис, Германия жамоаси чорак финалга йўл олди. Қуръа ташлаш маросими 15 март, жума куни бўлиб ўтади.

Байер Германия – Қорабоғ Озарбайжон 3:2 (0:0, 3:2)
15 март, 01.00, «БайАрена»
Голлар: 0:1 – 58 Зубир, 0:2 – 67 Жуниньо, 1:2 – 72 Фримпонг, 2:2 – 90 Шик, 3:2 – 90 Шик.
Байер – Коварж, Фримпонг, Тапсоба, Коссуну (Станишич, 79), Андрих, Инкапиэ (Гримальдо, 60), Джака, Хофманн (Паласиос, 28), Виртц, Адли, Иглесиас (Шик, 59).
Қорабоғ – Лунев, Вешович (Медина, 87), Гусейнов, Мустафазаде, Жафаргулиев, Бензия (Байрамов, 66), Зубир (Патрик, 86), Янкович, Андраде (Матеус, 78), Ромао, Жуниньо (Ахундзаде, 78).
Огоҳлантиришлар: Шик (70), Жуниньо (78), Лунев (90).
Четлатиш: Жафаргулиев (63).
Биринчи ўйин: 2:2