Londonning “Chelsi” klubi o‘z yarim himoyachisi Koul Palmerga yangi shartnoma taklif qilmoqchi.

Daily Star xabariga ko‘ra, "ko‘klar" angliyalikning muvaffaqiyatli o‘yinlari tufayli uning maoshini oshirmoqchi.

Amaldagi shartnomasiga ko‘ra, Palmer yiliga atigi 4,5 million yevro maosh oladi. Yarim himoyachi maoshlar ro‘yxatida 16-o‘rinni egallab turibdi.

Bu Koul jamoaning joriy mavsumdagi eng sermahsul futbolchisi bo‘lishiga qaramay juda kam summa hisoblanadi. 

Palmer joriy mavsumda 11 ta gol urdi va 8 ta golli uzatmani qayd etdi.