Fransiya chempionatining navbatdagi, 26-turi “PSJ”ning navbatdagi g‘alabasi bilan yakunlandi. Parijliklar "MonpelYE"ga yo‘l oldi va u yerda mezbonlar darvozasiga oltita gol urdi, yakuniy hisob 6:2.
Ushbu o‘yindagi uchta golga Kilian Mbappe mualliflik qildi va u Fransiya futboli oliy ligasidagi gollari sonini 188 taga yetkazdi. Bu ko‘rsatkichga ko‘ra, u liganing butun tarixidagi eng yaxshi to‘purarlari ro‘yxatida sakkizinchi o‘rinni egalladi va o‘tgan asrning 70-yillarida porlagan Fleri di Nallodan o‘zib ketdi.
