Italiyaning “Milan” klubi markaziy himoyachi Simon Kyayerning kelajagi borasida bir qarorga kelishga shoshilmayapti.
Jurnalist Nikolo Skiraning xabariga ko‘ra, "rossonerilar" tajribali daniyalikning rejalari haqida may oyida qaror qabul qiladi.
Kyayerning "Milan" bilan amaldagi shartnomasi kelasi yil yozida tugaydi, ammo futbolchi jamoada qolishni va shartnomani uzaytirishni istaydi.
To‘g‘ri, "rossonerilar" rahbariyati hali futbolchiga yangi shartnoma taklif qilgani yo‘q. 34 yoshli Kyayer joriy mavsumda Italiya chempionatida “Milan” safida 100 daqiqadan ko‘proq harakat qildi.
