Италиянинг “Милан” клуби марказий ҳимоячи Симон Кьяернинг келажаги борасида бир қарорга келишга шошилмаяпти.

Журналист Николо Скиранинг хабарига кўра, "россонерилар" тажрибали данияликнинг режалари ҳақида май ойида қарор қабул қилади.

Кьяернинг "Милан" билан амалдаги шартномаси келаси йил ёзида тугайди, аммо футболчи жамоада қолишни ва шартномани узайтиришни истайди.

Тўғри, "россонерилар" раҳбарияти ҳали футболчига янги шартнома таклиф қилгани йўқ. 34 ёшли Кьяер жорий мавсумда Италия чемпионатида “Милан” сафида 100 дақиқадан кўпроқ ҳаракат қилди.