Kataloniyaning "Barselona" klubi hali ham jamoa bosh murabbiyi Xavi Ernandesning mavsum oxirida ketish haqidagi fikrini o‘zgartirishidan umidini yo‘qotmayapti. Sport.es xabariga ko‘ra, klub yangi murabbiy tayinlash jarayonini hozircha ortga qoldirgan.

Qayd etilishicha, “Barselona” mavsum oxirigacha kutadi, shundan so‘ng yangi murabbiy borasida bir qarorga keladi. Ko‘p narsa jamoaning Chempionlar ligasida qanday o‘ynashiga bog‘liq.

Agar Xavi rahbariyatni hayratda qoldira olsa, klub murabbiyni olib qolish uchun hamma narsani qiladi. Avvalroq, Xavi o‘z qarorini o‘zgartirmoqchi emasligini va mavsum oxirida "Barselona"ni albatta tark etishini ma’lum qilgandi.