Bilbaoning "Atletik" klubi va Ispaniya terma jamoasi futbolchisi Oyan Sanset "Barselona"ning yosh futbolchilarining qobiliyatiga qoyil qoldi.
Yaqinda Kataloniya grandining asosiy tarkibiga kirgan 17 yoshli markaziy himoyachi Pau Kubarsi "qizil furiya" safiga ilk chaqiruvni oldi. Shuningdek, 16 yoshli vunderkind Lamin Yamal yana terma jamoa libosida o‘ynay oladi.
“Bu Lamin va Kubarsi atigi 16 va 17 yoshda emas. Ular aqlbovar qilmaydigan yetuklikni namoyish etadilar. Ispaniya terma jamoasida ular xuddi "Barselona"dagidek o‘zlarini ko‘rsatishadi va ular bilan o‘ynash zavq bag‘ishlaydi", - deya Sanset so‘zlaridan iqtibos keltiradi Ispaniya OAVlari.