Marca nashri xabariga ko‘ra, IFAB (Xalqaro futbol assosiasiyasi kengashi) ofsaydni aniqlash qoidalariga o‘zgartirish kiritmoqchi.
Ispaniyalik jurnalistlar bergan ma’lumotlarga ko‘ra, yangi qoidalarga muvofiq agar hujumkor o‘yinchi butun vujudi bilan oxirgi raqib futbolchisidan oldinda bo‘lsagina ofsayd qayd etiladi.
Bu yangilik tashabbuskori Londonning “Arsenal” klubi sobiq ustozi Arsen Vengerdir.
Hozirda Shvesiya va Italiyaning yoshlar ligalarida sinovdan o‘tayotgan yangi qoida kelasi yilning fevralidan kuchga kiradi.
