“Fiorentina” bosh murabbiyi Vinchenso Italyano yozda “Napoli”ni boshqarishi mumkin.

46 yoshli mutaxassis Neapol klubi prezidenti Aurelio De Laurentis uchun asosiy nomzod hisoblanadi. 

Biroq prezident Raffaele Palladino (“Monsa”) va Franchesko Farioli (“Nissa”) variantlarini ham ko‘rib chiqmoqda, deya xabar bermoqda Calciomercato.

Manbaga ko‘ra, Italiano mavsum oxirida "Fiorentina"ni tark etmoqchi.

"Napoli" amaldagi bosh murabbiy Franchesko Kalsona bilan shartnomani uzaytirishi dargumon, chunki u Slovakiya terma jamoasini ham boshqaradi.