“Yuventus” hujumchisi Dushan Vlaxovich yozda jamoani tark etmasa kerak.

Serb va turinliklar o‘rtasidagi amaldagi kelishuv 2026 yilgacha amal qiladi va "keksa sinyora" rahbariyati bir necha bor xabar qilinganidek, shartnomani uzaytirishdan manfaatdor.

Jurnalist Romeo Agrestining yozishicha, 24 yoshli futbolchi «Yuventus»da daxlsiz sanaladi, biroq forvard uchun foydali taklif tushsa, klubning bu boradagi pozisiyasi o‘zgarishi mumkin. Biroq, bunday ssenariyning yuzaga kelish ehtimoli past deb baholanmoqda: Italiyadan tashqarida Vlaxovich birinchi kattalikdagi yulduz hisoblanmaydi va o‘tgan yozda ham mish-mishlarga qaramay, unga qiziqish kam edi.