Angliya terma jamoasi bosh murabbiyi Garet Sautgeyt kelajakda Ben Uaytni o‘z jamoasiga qaytarishga tayyor.
Angliyalik murabbiyning o‘zi avvalroq xabar berganidek, "Arsenal"ning o‘ng qanot himoyachisi "Uch sherlar"ning mart oyidagi yig‘inida ishtirok etishdan bosh tortdi. Shunga qaramay, murabbiy 26 yoshli futbolchining nomzodidan voz kechmayapti.
“Hammasi Benning o‘ziga bog‘liq - bizning eshiklarimiz ochiq. Men uning holatini hurmat qildim, chunki "Arsenal" biz bilan bog‘landi. Men doim eshikni ochiq qoldiraman. Men uni terma jamoada ko‘rishni juda xohlardim", - deya Sautgeytning so‘zlarini keltiradi insayder Fabrisio Romano.
Ben Uayt joriy mavsum “Arsenal” safida 39 ta o‘yinda maydonga tushib, 2 ta gol va 4 ta golli uzatmaga mualliflik qilgan.
