Mart oyida Transfermarkt statistik portali Yevropaning kuchli beshlik chempionatlari futbolchilarining bozor qiymati bo‘yicha yangilangan ma’lumotlarni e’lon qildi. Dunyoning eng qimmat futbolchilari ham o‘zgardi.
Reytingda birinchi o‘rinni hamon Jud Bellingem, Erling Xoland va Kilian Mbappe bo‘lishib turibdi - ularning transfer qiymati 180 million yevroga baholanmoqda. Keyingi o‘rinda Madridning yana bir vakili Vinisius, uning uchun potensial xaridor 150 million yevro to‘lashi kerak.
Sayyoramizning eng qimmat 10 nafar futbolchisi quyidagicha:
Bahosi oshgan futbolchilar orasila Fil Foden yetakchi bo‘ldi, endi u bozor bahosida Bukayo Sakaga tenglashdi. "Bayer"dan Florian Virts ham narxini ko‘tarib oldi. U ham xuddi Jamol Musiala kabi 110 million yevroga teng. Shuningdek, nemis futbolchilaridan tashqari Deklan Rays va Viktor Osimxen ham 110 millionga baholanmoqda.
Premyer-liga bu borada eng ko‘p vakilga ega ekanligi - 4 nafar futbolchi hech kimni ajablantirmasa kerak. Reytingda Bundesligadan Virts va Musiala bor, La Ligadan esa faqat "Real" futbolchilari kiritilgan. Reytingda A Seriya va Liga 1da bittadan futbolchi bor.
Top-10 ga transfer qiymati 110 million yevroga baholangan boshqa futbolchilar ham kirishi mumkin: Lautaro Martines, Rodri va Keyn. Eng qimmat 20 nafar futbolchi bilan tanishing:
20 nafar o‘yinchidan iborat reytingda madridliklarda boshqalardan ko‘ra ko‘proq vakillar bor - 6 ta futbolchi. Bundan tashqari, "Barsa"dan faqatgina birgina vakil Gavi bu ro‘yxatdan o‘rin olgani ham qiziqarli.
Bu futbolchilar sizningcha shunday katta transfer summasiga loyiqmi?
