Март ойида Transfermarkt статистик портали Европанинг кучли бешлик чемпионатлари футболчиларининг бозор қиймати бўйича янгиланган маълумотларни эълон қилди. Дунёнинг энг қиммат футболчилари ҳам ўзгарди.

Рейтингда биринчи ўринни ҳамон Жуд Беллингем, Эрлинг Холанд ва Килиан Мбаппе бўлишиб турибди - уларнинг трансфер қиймати 180 миллион еврога баҳоланмоқда. Кейинги ўринда Мадриднинг яна бир вакили Винисиус, унинг учун потенциал харидор 150 миллион евро тўлаши керак.

Сайёрамизнинг энг қиммат 10 нафар футболчиси қуйидагича:

Баҳоси ошган футболчилар орасила Фил Фоден етакчи бўлди, энди у бозор баҳосида Букайо Сакага тенглашди. "Байер"дан Флориан Виртц ҳам нархини кўтариб олди. У ҳам худди Жамол Мусиала каби 110 миллион еврога тенг. Шунингдек, немис футболчиларидан ташқари Деклан Райс ва Виктор Осимхен ҳам 110 миллионга баҳоланмоқда.

Премьер-лига бу борада энг кўп вакилга эга эканлиги - 4 нафар футболчи ҳеч кимни ажаблантирмаса керак. Рейтингда Бундеслигадан Виртц ва Мусиала бор, Ла Лигадан эса фақат "Реал" футболчилари киритилган. Рейтингда А Серия ва Лига 1да биттадан футболчи бор.

Топ-10 га трансфер қиймати 110 миллион еврога баҳоланган бошқа футболчилар ҳам кириши мумкин: Лаутаро Мартинес, Родри ва Кейн. Энг қиммат 20 нафар футболчи билан танишинг:

20 нафар ўйинчидан иборат рейтингда мадридликларда бошқалардан кўра кўпроқ вакиллар бор - 6 та футболчи. Бундан ташқари, "Барса"дан фақатгина биргина вакил Гави бу рўйхатдан ўрин олгани ҳам қизиқарли.

Бу футболчилар сизнингча шундай катта трансфер суммасига лойиқми?