"Bayer" bosh murabbiyi Xabi Alonso Bundesliga chempionligini muddatidan oldin qo‘lga kiritganidan so‘ng jamoa muxlislariga murojaat qildi.

“Mavsum davomida ajoyib qo‘llab-quvvatlash uchun barchaga rahmat. Endi biz bundan ham ko‘prog‘ini xohlaymiz", - dedi ispaniyalik mutaxassis.

Germaniya chempionatining 29-turi doirasida “Bayer” o‘z maydonida “Verder”ni qabul qildi. “Farmasevtlar” 5:0 hisobida yirik g‘alabani tantana qilishdi.

Ushbu muvaffaqiyatdan so‘ng, Alonso jamoasi musobaqa tugashiga besh tur qolganda raqiblar uchun yetib bo‘lmas darajaga chiqdi.