"Bolonya" klubi markaziy himoyachisi Rikkardo Kalafyori yozda klubini o‘zgartirishi mumkin.
Tuttosport xabariga ko‘ra, 21 yoshli futbolchining xizmatlariga Londonning "Tottenxem" klubi qiziqish bildirmoqda.
Qayd etilishicha, “shporlar” keyingi transfer oynasida Kalafyori transferini rasmiylashtirishni rejalashtirmoqda.
Oldinroq, italiyalikni "Yuventus" va "Napoli" kuzatayotgani haqida ma’lumotlar paydo bo‘lgandi. Joriy mavsumda Kalafyori barcha turnirlar doirasida 33 ta o‘yinda ishtirok etdi va 3 ta golli uzatmani amalga oshirdi.
