"Chelsi" bosh murabbiyi Maurisio Pochettino "Everton"ga qarshi Angliya Premyer-ligasining 33-tur uchrashuvida penalti tepish huquqi uchun futbolchilari o‘rtasida sodir bo‘lgan mojaro haqida fikr bildirdi.
Uchrashuv 6:0 hisobida "aristokratlar"ning yirik hisobdagi g‘alabasi bilan yakunlandi.
“Bizning penalti tepuvchimiz Koul Palmer. Siz o‘zingizni bolalar kabi tuta olmaysiz, bu boshqa takrorlanmasligi kerak.
Bu sharmandalik. Men allaqachon futbolchilarni bu holat oxirgi marta bo‘lishi kerakligi bilan ogohlantirganman.
Hammasi aniq, Palmer «Chelsi»da penaltini tepadi", - deya argentinalik murabbiyning so‘zlaridan iqtibos keltiradi insayder Fabrisio Romano.
