"Челси" бош мураббийи Маурисио Почеттино "Эвертон"га қарши Англия Премьер-лигасининг 33-тур учрашувида пенальти тепиш ҳуқуқи учун футболчилари ўртасида содир бўлган можаро ҳақида фикр билдирди.
Учрашув 6:0 ҳисобида "аристократлар"нинг йирик ҳисобдаги ғалабаси билан якунланди.
“Бизнинг пенальти тепувчимиз Коул Палмер. Сиз ўзингизни болалар каби тута олмайсиз, бу бошқа такрорланмаслиги керак.
Бу шармандалик. Мен аллақачон футболчиларни бу ҳолат охирги марта бўлиши кераклиги билан огоҳлантирганман.
Ҳаммаси аниқ, Палмер «Челси»да пенальтини тепади", - дея аргентиналик мураббийнинг сўзларидан иқтибос келтиради инсайдер Фабрицио Романо.
