"Manchester Yunayted" hamon Germaniya Bundesligasining eng yaxshi to‘purarlaridan birini ko‘zlamoqda. Bild xabariga ko‘ra, mankunianliklar "Shtutgart" hujumchisi Seru Girassiga qiziqishda.
Gvineyalik futbolchi Germaniya chempionatida 23 ta o‘yinda 25 ta gol urib, to‘purarlar jadvalida “Bavariya” hujumchisi Xarri Keyndan keyin ikkinchi o‘rinni egallab turibdi.
28 yoshli Girassiga Angliya Premyer-ligasining boshqa klublari ham qiziqish bildirmoqda, ammo hujumchi uchun kurashdagi favorit hozircha noma’lum. Avvalroq Seruning shartnomasida tovon puli ko‘rsatilgani, bu 20 million yevro atrofida ekanligi xabar qilingandi.
