"Манчестер Юнайтед" ҳамон Германия Бундеслигасининг энг яхши тўпурарларидан бирини кўзламоқда. Bild хабарига кўра, манкунианликлар "Штутгарт" ҳужумчиси Серу Гирассига қизиқишда.
Гвинеялик футболчи Германия чемпионатида 23 та ўйинда 25 та гол уриб, тўпурарлар жадвалида “Бавария” ҳужумчиси Харри Кейндан кейин иккинчи ўринни эгаллаб турибди.
28 ёшли Гирассига Англия Премьер-лигасининг бошқа клублари ҳам қизиқиш билдирмоқда, аммо ҳужумчи учун курашдаги фаворит ҳозирча номаълум. Аввалроқ Серунинг шартномасида товон пули кўрсатилгани, бу 20 миллион евро атрофида эканлиги хабар қилинганди.
