«Челси» клуби ўз ярим ҳимоячиси Энцо Фернандесни «Барселона»га сотишга тайёрлигини маълум қилди. Лондонликлар футболчи учун 70 миллион евро атрофида товон пули талаб қилмоқда, бироқ трансфернинг амалга ошиши учун муҳим шарт қўйилган.
Elnacional.cat нашрининг хабар беришича, инглиз клуби ушбу битим доирасида «Барселона»нинг ёш иқтидор эгаси Гавини ҳам ўз таркибида кўрмоқчи. Яъни, «Челси» Энтони 70 миллион евро эвазига қўйиб юборишга рози, аммо бунинг учун каталонияликлар Гавини ҳам музокаралар столига қўшиши керак бўлади.
Ҳозирча «Барселона» раҳбарияти ва мураббийлар штаби ушбу таклифга қандай муносабат билдиргани номаълум. Гави жамоанинг келажакдаги асосий футболчиларидан бири ҳисоблангани учун, клуб «кўклар»нинг бу талабига кўниши қийин масала, деб баҳоланмоқда.
Эслатиб ўтамиз, Энцо Фернандес «Челси»га 2023 йил бошида ўтган бўлиб, клуб тарихидаги энг қиммат трансферлардан бирига айланган эди.
