Португалия миллий терма жамоаси ва «Манчестер Сити» марказий ҳимоячиси Рубен Диаш ёзги трансфер ойнасида жамоасини ўзгартириши мумкин. Бу ҳақда El Debate журналистлари хабар бермоқда.
Манбага кўра, футболчи фаолиятини Мадриднинг «Реал» клубида давом эттиришга қарор қилган. Аввалроқ «қироллик клуби»нинг португалиялик ҳимоячига бўлган қизиқиши ҳақида хабарлар тарқалган эди.
29 ёшли ҳимоячининг «шаҳарликлар» билан тузган меҳнат шартномаси 2029 йилнинг ўрталаригача мўлжалланган. Футболчининг бозор қиймати 60 миллион еврони ташкил этади. Ўтган мавсумда Англия Премьер-лигасида португалиялик ўйинчи 26 та учрашувда майдонга тушиб, 2 та гол урди ва 3 та сариқ карточка олди.
