«Барселона» бош мураббийи Ханс-Дитер Флик «Ньюкасл» вингери Энтони Гордоннинг трансферини амалга оширишда қатъий туриб олди. «Кўк-анорранглилар» шов-шувли келишув шартларини келишиб олишди ва футболчи бугуннинг ўзида трансферни якунлаш учун тиббий кўрикдан ўтиши керак.

Журналист Хосе Альвареснинг хабар беришича, Флик шахсан клуб раҳбариятидан англиялик футболчини сотиб олишни сўраган. Немис мутахассиси 25 ёшли футболчининг нафақат ўйин услуби, балки руҳий хусусиятларидан ҳам ҳайратда қолган, чунки у жамоа ҳужумини янада ранг-баранг қилишига ишонади.

Энтони Гордоннинг трансфер суммаси 70 миллиондан 80 миллион еврогача баҳоланмоқда. «Қарғалар» юлдузига «Ливерпуль» ва «Бавария» клублари ҳам қизиқиш билдирган эди.