"Atalanta" bosh murabbiyi Jan Pyero Gasperini "Liverpul"ga o‘tishi mumkinligi haqida gapirdi. Eslatib o‘tamiz, “Liverpul”ning amaldagi ustozi Yurgen Klopp yozda jamoani tark etadi.
“Albatta, men Klopp o‘rniga “Liverpul”ga ishga kirsam xursand bo‘laman, lekin hozir bor e’tiborimni oldindagi o‘yinga qaratganman. Bizni bunday voqealardan chalg‘itib bo‘lmaydi”, - deya Gasperini so‘zlarini keltiradi jurnalist Fabrisio Romano.
18 aprel kuni “Atalanta” Yevropa ligasining chorak final javob uchrashuvi doirasida “Liverpul”ni qabul qiladi. Jamoalar o‘rtasidagi birinchi o‘yin “Atalanta”ning 3:0 hisobidagi yirik g‘alabasi bilan yakunlangan edi.