"Аталанта" бош мураббийи Жан Пьеро Гасперини "Ливерпул"га ўтиши мумкинлиги ҳақида гапирди. Эслатиб ўтамиз, “Ливерпул”нинг амалдаги устози Юрген Клопп ёзда жамоани тарк этади.
“Албатта, мен Клопп ўрнига “Ливерпул”га ишга кирсам хурсанд бўламан, лекин ҳозир бор эътиборимни олдиндаги ўйинга қаратганман. Бизни бундай воқеалардан чалғитиб бўлмайди”, - дея Гасперини сўзларини келтиради журналист Фабрицио Романо.
18 апрель куни “Аталанта” Европа лигасининг чорак финал жавоб учрашуви доирасида “Ливерпул”ни қабул қилади. Жамоалар ўртасидаги биринчи ўйин “Аталанта”нинг 3:0 ҳисобидаги йирик ғалабаси билан якунланган эди.
