"Barselona" himoyachisi Ronald Arauxo "PSJ"ga qarshi YECHL chorak final javob o‘yinida qizil kartochka olib, o‘z fikrlarini bildirib o‘tdi. Kataloniya jamoasi foydasiga 1:0 bo‘lib turgan paytda Arauxo maydondan chetlatildi. Natijada “ko‘k-anorranglilar” 1:4 hisobida mag‘lub bo‘lishdi va musobaqadan chiqib ketishdi.
"Menga katta quvonch baxsh etgan futbol endi menga qattiq ta’sir qildi. Meni qo‘llab-quvvatlaganlarga, maydonda bor kuchini bergan sheriklarimga, oxirigacha bizga ishongan muxlislarga rahmat aytaman. Bu quvonchni senga bermaganimdan juda afsusdaman. Keyingi safar yana urinib ko‘ramiz", – dedi Arauxo.
