"Bavariya" va Angliya terma jamoasi hujumchisi Xarri Keyn Chempionlar ligasi finali Londondagi "Uembli" stadionida bo‘lib o‘tishi haqidagi fikri bilan o‘rtoqlashdi.

“Bu qo‘shimcha motivasiya. "Uembli"da Chempionlar ligasi finalini o‘tkazish imkoniyati bor va bu voqea tez-tez sodir bo‘lmaydi. Albatta, bu yerda men Chempionlar ligasida g‘alaba qozonishga harakat qilmoqchiman, shaxsan men uchun bu sovrinni qo‘lga kiritish uchun boshqa qulayroq joy yo‘q. Ammo bu yo‘lda ko‘p qadamlar tashlash kerak", - deydi Keyn.