"Napoli" prezidenti Aurelio De Laurentis hamon Antonio Konte bilan kelishuvga erishishga umid qilmoqda. "Inter" va "Yuventus"ning sobiq ustozini tayinlash uzoq vaqtdan beri Neapol klubi rahbarining ustuvor maqsadi bo‘lib kelgan.
Insayder Nikolo Shkiraning yangilangan xabariga ko‘ra, De Laurentis Kontedan yakuniy javob olmaguncha boshqa murabbiylar bilan shartnoma tuzmaydi. "B rejasi" - Stefano Pioli, u allaqachon mavsum oxirida jamoani boshqarishga tayyorligini bildirgan.
Antonio Konte o‘tgan yilning mart oyida "Tottenxem"ni tark etgandi, o‘shandan beri mutaxassis murabbiysiz qolmoqda.
