"Наполи" президенти Аурелио Де Лаурентис ҳамон Антонио Конте билан келишувга эришишга умид қилмоқда. "Интер" ва "Ювентус"нинг собиқ устозини тайинлаш узоқ вақтдан бери Неапол клуби раҳбарининг устувор мақсади бўлиб келган.
Инсайдер Николо Шкиранинг янгиланган хабарига кўра, Де Лаурентис Контедан якуний жавоб олмагунча бошқа мураббийлар билан шартнома тузмайди. "Б режаси" - Стефано Пиоли, у аллақачон мавсум охирида жамоани бошқаришга тайёрлигини билдирган.
Антонио Конте ўтган йилнинг март ойида "Тоттенхэм"ни тарк этганди, ўшандан бери мутахассис мураббийсиз қолмоқда.
