Xorvatiyalik yarim himoyachi Luka Modrich yozda “Real”ni tark etishni istamayapti. Diario AS xabariga ko‘ra, 38 yoshli futbolchi o‘yin vaqti oz bo‘lishiga qaramay, yana bir mavsum "Los-Blankos" lagerida qolish niyatida.

Joriy mavsumda Modrich barcha turnirlarda 38 ta o‘yinda maydonga tushib, 2 ta gol urdi va 6 ta golli uzatmani amalga oshirdi. Modrichning "Real" bilan shartnomasi shu yilning iyun oyi oxirida tugaydi.

32 turdan keyin "Real" Ispaniya chempionati turnir jadvalida 81 ochko bilan birinchi o‘rinda bormoqda.