"Kristal Pelas" vingeri Maykl Olise "Chelsi"ning e’tiboriga qaytdi. “Ko‘klar” o‘tgan yozda fransiyalik futbolchini qo‘lga kiritishga harakat qilgan, biroq u qolishga va “burgutlar” bilan shartnomasini uzaytirgandi.
22 yoshli futbolchi “Manchester Yunayted”ning yangi rahbariyatining yaqinlashib kelayotgan transfer oynasidagi asosiy maqsadlaridan biri sanaladi, biroq “Chelsi” ham “Kristal Pelas” hujumi yetakchisi uchun kurashishga tayyor, deb xabar beradi TEAMtalk.
Olise jarohatlar tufayli joriy Premmer-ligada "Kristal Pelas" safida bor-yo‘g‘i 14 ta o‘yin o‘tkazdi, ammo uning statistikasi ajoyib ko‘rinadi - 7 ta gol va to‘rtta golli uzatma.
