Angliya chempionatining 29-turidan o‘rin olgan qoldirilgan o‘yinda “Manchester Yunayted” o‘z maydonida “Sheffild Yunayted”ni 4:2 hisobida mag‘lub etdi. Portugaliyalik Bruno Fernandesh ham o‘z nomini gol mualliflari qatoriga qo‘shib, o‘yin natijasiga izoh berdi.

"To‘g‘ri yo‘l bilan g‘alaba qozonishni xohlagandik, ammo raqib bunga yo‘l qo‘ymadi. Shu ma’noda biz "Sheffild"ga tan berishimiz kerak. Biz yana xarakter ko‘rsatishimiz kerak edi. Biz gol uramiz, ko‘p gollar uramiz, men ham gol urdim, lekin men uchun gol urishdan ko‘ra g‘alaba qozonish muhimroq. Hozircha, afsuski, klubda ko‘p g‘alaba qozondim deb ayta olmayman", - deya Fernandesh so‘zlarini keltiradi BBC Sport.