"Arsenal" yakshanba kuni shimoliy London derbisida "Tottenxem" ustidan muhim 3:2 hisobida g‘alaba qozondi. Premyer-liganing o‘tgan mavsumida "kanonirlar" "shporlar" maydonida ham uch ochkoni qo‘lga kiritishga muvaffaq bo‘lishdi.
Squawka xabariga ko‘ra, "Arsenal" 36 yil ichida birinchi marta "Tottenxem"ga qarshi safar derbisida ketma-ket ikkita g‘alaba qozondi.
Arsen Venger qo‘l ostida ham “kanonirlar” ketma-ket ikki o‘yinda “shporlar”ni mehmonda mag‘lub eta olmagan edi. "Arsenal" turnir jadvalida birinchi o‘rinda bormoqda. Ikkinchi o‘rinda borayotgan “Manchester Siti” Arteta jamoasidan 4 ochko ortda qolmoqda.
