"Арсенал" якшанба куни шимолий Лондон дербисида "Тоттенхэм" устидан муҳим 3:2 ҳисобида ғалаба қозонди. Премьер-лиганинг ўтган мавсумида "канонирлар" "шпорлар" майдонида ҳам уч очкони қўлга киритишга муваффақ бўлишди.
Squawka хабарига кўра, "Арсенал" 36 йил ичида биринчи марта "Тоттенхэм"га қарши сафар дербисида кетма-кет иккита ғалаба қозонди.
Арсен Венгер қўл остида ҳам “канонирлар” кетма-кет икки ўйинда “шпорлар”ни меҳмонда мағлуб эта олмаган эди. "Арсенал" турнир жадвалида биринчи ўринда бормоқда. Иккинчи ўринда бораётган “Манчестер Сити” Артета жамоасидан 4 очко ортда қолмоқда.
