"Bayer" bosh murabbiyi Xabi Alonso "Roma"ga qarshi o‘yinda jamoasining ishtirokiga baho berdi.
“Farmasevtlar” Yevropa ligasi yarim finalining birinchi o‘yinida Rimda ikki to‘p farqi bilan g‘alaba qozonishdi.
“Biz qattiq kurashdik, kuch va intizom ko‘rsatdik, ammo oldinda hali ko‘p ish bor. Biz qarshi hujumda yaxshi o‘ynadik va uchinchi golni urish uchun qo‘ldan boy berilgan imkoniyatlarga qaramay xursandmiz.
Umid qilamanki, javob o‘yinidan keyin finalga chiqqanimizni nishonlaymiz. "Roma"da maxsus vaziyatlar bo‘ldi, ammo birinchi gol bizga ishonch bag‘ishladi.
Ikkinchi bo‘limda biz o‘zimizni xotirjam his qildik va raqibimizga hech qanday yo‘l qoldirmadik", - deya Alonsoning so‘zlarini keltiradi Football Italia.
