"Байер" бош мураббийи Хаби Алонсо "Рома"га қарши ўйинда жамоасининг иштирокига баҳо берди.
“Фармацевтлар” Европа лигаси ярим финалининг биринчи ўйинида Римда икки тўп фарқи билан ғалаба қозонишди.
“Биз қаттиқ курашдик, куч ва интизом кўрсатдик, аммо олдинда ҳали кўп иш бор. Биз қарши ҳужумда яхши ўйнадик ва учинчи голни уриш учун қўлдан бой берилган имкониятларга қарамай хурсандмиз.
Умид қиламанки, жавоб ўйинидан кейин финалга чиққанимизни нишонлаймиз. "Рома"да махсус вазиятлар бўлди, аммо биринчи гол бизга ишонч бағишлади.
Иккинчи бўлимда биз ўзимизни хотиржам ҳис қилдик ва рақибимизга ҳеч қандай йўл қолдирмадик", - дея Алонсонинг сўзларини келтиради Football Italia.
