"Napoli" vingeri Xvicha Kvarasxeliya yozgi transfer oynasida jamoani tark etish haqida o‘ylamayapti. Bu haqda jurnalist Ekrem Konur xabar bermoqda. Shu bilan birga, manba gruziyalik futbolchiga Yevropaning bir qancha klublaridan qiziqish borligini takidladi.
Joriy mavsumda 23 yoshli Kvarasxeliya barcha turnirlarda 42 ta uchrashuvda ishtirok etib, 10 ta gol urdi va 9 ta golli uzatmani amalga oshirdi. Futbolchining "Napoli" bilan tuzilgan mehnat shartnomasi 2027 yilning o‘rtalariga qadar amal qiladi.
Nufuzli Transfermarkt portali Kvarasxeliyaning narxini 80 million yevroga baholamoqda. 6 may kuni “Napoli” safarda “Udineze”ga qarshi bahs olib boradi.