"Наполи" вингери Хвича Кварацхелия ёзги трансфер ойнасида жамоани тарк этиш ҳақида ўйламаяпти. Бу ҳақда журналист Экрем Конур хабар бермоқда. Шу билан бирга, манба грузиялик футболчига Европанинг бир қанча клубларидан қизиқиш борлигини такидлади.
Жорий мавсумда 23 ёшли Кварацхелия барча турнирларда 42 та учрашувда иштирок этиб, 10 та гол урди ва 9 та голли узатмани амалга оширди. Футболчининг "Наполи" билан тузилган меҳнат шартномаси 2027 йилнинг ўрталарига қадар амал қилади.
Нуфузли Transfermarkt портали Кварацхелиянинг нархини 80 миллион еврога баҳоламоқда. 6 май куни “Наполи” сафарда “Удинезе”га қарши баҳс олиб боради.
