"Chelsi" hujumchisi Nikolas Jekson "Vest Xem" ustidan qozonilgan yirik 5:0 hisobidagi g‘alabadan so‘ng fikr bildirdi.

Ushbu derbida Jekson dubl qayd etdi.

"Jamoa juda ijobiy kayfiyatda edi - biz qattiq kurashdik, shu jumladan o‘z darvozamiz daxlsizligini saqlab qolish uchun tinmay mehnat qildik.

Biz yevrokuboklarda qatnashish huquqi uchun kurashmoqchimiz, bugun jamoa bo‘lib buni uddaladik. Biz g‘alaba uchun birga kurashdik.

Ikki golim? Men Madueke to‘p uzatishini kutgandim, chunki biz yaqin do‘st va jamoadoshmiz. U yaxshi assistentlik qildi.

Har safar gol urganimda VAR aralashishga harakat qiladi, lekin bu safar men juda xursand bo‘ldim", dedi Jekson Premier League Productions nashriga.