Madridning "Real" klubi bosh murabbiyi Karlo Anchelotti "Bavariya"ga qarshi Chempionlar ligasi yarim final javob o‘yinidan (2:1) keyin hujumchi Xoselu haqida gapirdi.
34 yoshli futbolchi 88 va 90+1 daqiqalarda Myunxen klubi darvozasini ishg‘ol qilib, dubl qayd etdi.
“Xoselu bu jamoa nima ekanligini, qanday fikrda ekanligini to‘liq aks ettiradi. U bu mavsumda ko‘p o‘ynamadi, lekin kerak bo‘lganda har doim juda foydali bo‘ldi. U hech qachon o‘ziga bo‘lgan ishonchni yo‘qotmaydi va doim jamoa haqida o‘ylaydi", - dedi Anchelotti UYEFA rasmiy saytiga.
Xoselu 2023 yil iyul oyida 2023/2024-yilgi mavsum oxirigacha ijara asosida "Espanyol"dan "Real"ga o‘tgan edi.
Joriy mavsumda Xoselu 46 ta o‘yin o‘tkazib, 16 ta gol urdi va 3 ta golga assistentlik qildi.
