Мадриднинг "Реал" клуби бош мураббийи Карло Анчелотти "Бавария"га қарши Чемпионлар лигаси ярим финал жавоб ўйинидан (2:1) кейин ҳужумчи Хоселу ҳақида гапирди.
34 ёшли футболчи 88 ва 90+1 дақиқаларда Мюнхен клуби дарвозасини ишғол қилиб, дубл қайд этди.
“Хоселу бу жамоа нима эканлигини, қандай фикрда эканлигини тўлиқ акс эттиради. У бу мавсумда кўп ўйнамади, лекин керак бўлганда ҳар доим жуда фойдали бўлди. У ҳеч қачон ўзига бўлган ишончни йўқотмайди ва доим жамоа ҳақида ўйлайди", - деди Анчелотти УЕФА расмий сайтига.
Хоселу 2023 йил июль ойида 2023/2024-йилги мавсум охиригача ижара асосида "Эспаньол"дан "Реал"га ўтган эди.
Жорий мавсумда Хоселу 46 та ўйин ўтказиб, 16 та гол урди ва 3 та голга ассистентлик қилди.
