«Челси» ва Испания терма жамоаси ҳимоячиси Марк Кукурелья Мадриднинг «Реал» клуби аъзосига айланади. Кутилаётган трансфер ҳақида инсайдер Фабрицио Романо ўзининг ижтимоий тармоқдаги саҳифасида маълум қилди.
«Барча томонлар, жумладан футболчининг ўзи билан ҳам оғзаки келишувга эришилди. У Моуринью ўз жамоасида кўришни истаган ўша чап қанот ҳимоячисидир. Келишув тафсилотлари сал кейинроқ очиқланади», — дея тушунтириш берган Фабрицио.
Кукурелья янги клуби ихтиёрига Жаҳон чемпионати якунланганидан сўнг келиб қўшилади. Эслатиб ўтамиз, якунланган мавсум натижаларига кўра, таркибида Кукурелья тўп сурган «Челси» ҳатто еврокубокларга ҳам йўлланма ололмаган эди. Жозе Моуринью эса Флорентино Перес «қироллик клуби» президенти этиб қайта сайланганидан сўнг, шу ҳафта ичида «Реал» бош мураббийи этиб тайинланди.
