"Manchester Siti" bosh murabbiyi Pep Gvardiola jamoada debyut mavsumini o‘tkazayotgan himoyachi Yoshko Gvardiolni maqtadi.
Yaqinda “Fulxem” bilan o‘yinda (4:0) xorvatiyalik dubl qayd etdi. Umuman olganda, 22 yoshli futbolchi so‘nggi yetti uchrashuvda beshta gol urdi.
"Gvardiol bu yerda o‘zini ko‘rsatishi mumkinligini allaqachon isbotlagan. Shuni unutmasligimiz kerakki, Yoshko birinchi marta oliy ligada ishtirok etyapti, u juda yosh.
Bunday sharoitda o‘zingizni ko‘rsatish oson emas. U trebl yutgan jamoaga keldi va avvaliga biroz uyatchan edi", – dedi Pep.
