Pyer-Emerik Obameyang Liga 1ning joriy mavsumdagi eng yaxshi afrikalik futbolchisi deb topildi.
Gaboniyalik forvard mutaxassis hakamlar hay’atining ekspertlar ovozida 252 ball to‘plab, «PSJ» vakili marokashlik Ashraf Hakimiy (136 ball) va «Lill»ning jazoirlik vakili Nabil Bentalebni (112 ball) ortda qoldirdi.
"Marsel" hujumchisi faoliyatida ikkinchi marta Mark-Vivyen Foe mukofotini qo‘lga kiritdi. Bu birinchi marta 2013 yilda, u «Sent-Etyen»da o‘ynaganida sodir bo‘lgan. U shuningdek, Jervinyodan keyin (2010, 2011) bu sovrinni ikki marta qo‘lga kiritgan ikkinchi futbolchiga aylandi.
«Bu mavsumning cho‘qqisi va men Afrikaning eng yaxshi futbolchisi uchun sovrinni qo‘lga kiritishga umid qilaman», dedi Obameyang RFIga.
34 yoshli futbolchi joriy mavsumda barcha musobaqalarda 48 ta o‘yinda maydonga tushib, 29 ta gol urdi va 11 ta golli uzatmani amalga oshirdi. U «Marsel»ning eng yaxshi to‘purari bo‘lib, Fransiya klubi yarim finalda «Atalanta»ga qarshi o‘yinda mag‘lub bo‘lganiga qaramay, Yevropa Ligasining eng yaxshi to‘purari bo‘lib qolmoqda (10 ta gol).
