Portugaliyalik hujumchi Krishtianu Ronaldu katta ehtimol bilan Saudiya Arabistonida faoliyatini yakunlaydi, biroq u hali o‘g‘li kichik Ronaldu bilan o‘ynashga ulgurishi mumkin. Bu haqda Krishtianuning o‘zi ommaga ma’lum qildi:

"O‘g‘lim menga "Dada, yana bir necha mavsum o‘ynang, siz va men birga o‘ynaymiz", deb aytadi. Bu mumkinmi yoki yo‘qligini aniq bilmayman, lekin harakat qilaman", dedi katta Ronaldu.

Eslatib o‘tamiz, Ronaldu Saudiya Arabistonida bir yarim yildan beri o‘ynab kelmoqda. Faoliyatining avvalida u "Sporting", "Manchester Yunayted", "Real" va Turinning "Yuventus" kabi klublarida o‘ynagan.