Португалиялик ҳужумчи Криштиану Роналду катта эҳтимол билан Саудия Арабистонида фаолиятини якунлайди, бироқ у ҳали ўғли кичик Роналду билан ўйнашга улгуриши мумкин. Бу ҳақда Криштианунинг ўзи оммага маълум қилди:
"Ўғлим менга "Дада, яна бир неча мавсум ўйнанг, сиз ва мен бирга ўйнаймиз", деб айтади. Бу мумкинми ёки йўқлигини аниқ билмайман, лекин ҳаракат қиламан", деди катта Роналду.
Эслатиб ўтамиз, Роналду Саудия Арабистонида бир ярим йилдан бери ўйнаб келмоқда. Фаолиятининг аввалида у "Спортинг", "Манчестер Юнайтед", "Реал" ва Туриннинг "Ювентус" каби клубларида ўйнаган.
