Mish-mishlarga ko‘ra, yarim himoyachi Brunu Fernandesh yozgi transfer oynasida "Manchester Yunayted"ni tark etishi mumkin. Xabarga ko‘ra, portugaliyalik futbolchi klubini o‘zgartirishga tayyor, chunki "qizil iblislar" uzoq vaqtdan beri ilk bor yevrokuboklarsiz qolishga yaqin turibdi.
Qayd etilishicha, 29 yoshli Fernandeshga nafaqat "Bavariya", balki yana bir top-klub "Inter" ham qiziqish bildirmoqda. Shu bilan birga, manba "Manchester Yunayted" futbolchilari orasida Fernandeshning klubda qolishiga shubha borligini ham ma’lum qildi.
Nufuzli Transfermarkt portali Brunu Fernandeshni 70 million yevroga baholamoqda.
